睇返Post既留言，講真個句，真係唔多開心
我估唔到會有罵戰出現，而罵戰唔係因為某情節而引起，而係我既寫故手法同劇情可能引起好多人不滿
我孔明係到講聲: 對唔住 可能令到好多人失望
雖然我一直堅持自己信念去寫故，但唔多唔少受到巴打既留言同說話所影響到
慢慢將我既故事調節再調節 但無論我寫成點，改成點都好，都總係滿足唔到所有人既需要
實在令我有點無所適從......
其實整體《宅女》故事主線同我當初所諗既主線無咩點變到
但我好想藉著我既故事去表達出某種反思，訊息同現實，不論愛情，友情等等
所以係條主線內加插好多情節，同劇情
最重要既一點，我諗我以後唔會再寫感情故事，所以好想將我畢生所聽過/經歷過既感情事都一一通過故事寫哂出黎，將感情事既內心睇法，對與錯，反思位一一寫出黎。
但如果我咁寫落去，可能引起好多人不滿，會比人話我拖文，悶，什至離題
其實依個情況我係留意到，亦都有人終於出聲提到依一點
我係到向大家再一次道歉
我要好好諗下，係咪跟返我原先條主線寫就算。如果跟返我原先主線去寫，交代速度會比較快
而且都好快去到結局，我諗對我，同對大家都比較好吧?
說實話，我真係感到無比壓力，特別係依一個月，返工既累，寫文既壓力
出文速度慢，引起好多人不滿，我再一次係到道歉
今晚唔會出文，我想好好諗清楚之後個故事發展要點寫。
Search